Të premten e 9 dhjetorit, Policia e Kosovës ka njoftuar se nga njësitë policore të stacionit të Obiliqit, është arrestuar një person i dyshuar për vjedhje të rëndë.
“Rasti është raportuar me datën 01.12.2022, ku nga dy persona të dyshuar, dyshohet të jenë vjedhur disa pajisje pune”, njofton Policia e Kosovës.
Tutje njoftohet se puna e hetuesve të stacionit policor të Obiliqit, pas marrjes së disa veprimeve operative ka rezultuar me arrestimin e njërit nga personat e dyshuar, si dhe gjetjen e sekuestrimin e mjeteve të cilat janë raportuar të vjedhura.
Mes tjerash, Policia bën të ditur se personi i dyshuar është D.G, mashkull, 18 vjeç.
Policia e Kosovës ka potencuar se me vendim të prokurorit të shtetit, i dyshuari është dërguar në mbajtje, ndërkohë që Policia është në kërkim të personit të dytë të dyshuar, i cili është identifikuar nga ana e hetuesve.