Policia e Kosovës ka njoftuar se ka arrestuar një të dyshuar për dhunë në familje në fshatin Livadicë të Podujevës.
Në njoftim thuhet se të dyshuarit i sekuestrohet edhe një armë zjarri AK-47 dhe municion.
“Në kuadër të veprimeve operative që po kryejn zyrtarët policor të Rajonit të Prishtinës, me qëllim parandalimin dhe zbulimin e veprave kriminale, nga zyrtarët e stacionit policor të Podujevës, është arrestuar një person i dyshuar për dhunë në familje dhe armëmbajtje pa leje.Arrestimi është realizuar në fshatin Livadicë të Podujevës, pas raportimit të një rasti të dhunës në familje”, njofton Policia e Kosovës.
“Personit të dyshuar i është gjetur dhe sekuestruar:- një armë zjarri AK-47 dhe municion.”, vijon njoftimi.
Policia njoftoi se ndaj të dyshuarit janë iniciuar veprat penale “dhunë në familje” dhe “mbajtje në pronësi, kontroll ose posedim të pa autorizuar të armës”.
“Ndaj personit të dyshuar në konsultim me prokurorin e shtetit, është iniciuar rast për veprat dhunë në familje dhe mbajtje në pronësi, kontroll ose posedim të pa autorizuar të armës.Personi i arrestuar me vendim të prokurorit të shtetit është dërguar në qendër të mbajtjes.”, njofton Policia e Kosovës.