Policia e Kosovës ka arrestuar dhe më pas ka liruar në procedurë të rregullt një person të dyshuar për shpërndarje të materialeve me përmbajtje të abuzimit seksual me fëmijë në rrjete sociale.
Rasti ka ndodhur të mërkurën në Lipjan.
Sipas raportit 24-orësh të Policisë, Drejtoria për Hetimin e Krimeve Kibernetike, pas veprimeve hetimore, ka identifikuar dhe arrestuar të dyshuarin i i cili përmes një rrjeti social ka shpërndarë disa video me përmbajtje të abuzimit seksual me fëmijë.
Pas intervistimit dhe me urdhër të prokurorit kompetent, i dyshuari është liruar dhe rasti do të trajtohet në procedurë të rregullt.