Policia e Kosovës ka njoftuar se ka arrestuar një person, si i dyshuar për gjuajtje me armë zjarri gjatë një ahengu familjar në Gjilan.
Policia përmes një komunikatë për media deklaroi se tek i dyshuari janë konfiskuar një armë e llojit ES Ecol dhe 11 gëzhoja të kalibrit 9milimetër.
“Me urdhër të Prokurorit të Shteti i dyshuari është ndalur në mbajtje për 48 orë dhe do të ngritët kallëzim penal për veprat penale ,,Mbajtja në pronësi, kontroll ose posedim të paautorizuar të armëve’’ dhe ‘’Shkaktim i rrezikut të përgjithshëm’’, vijon njoftimi.
Sipas njoftimit, i dyshuari B.J. është arrestuar të dielën dhe i është konfiskuar një armë e llojit ES Ecol me 11 gëzhoja.
Policia njoftoi se i është caktuar masa e ndalimit për 48 orë dhe rasti është iniciuar si “mbajtje në pronësi, kontroll ose posedim i paaautorizuar i armëve” dhe “shkaktim i rrezikut të përgjithshëm”.
Drejtoria e Policisë së Kosovës në Gjilan i ka ftuar qytetarët që të mos përdorin armë në ahengje familjare.