Kryetari i Sindikatës së Sektorit Privat, Jusuf Azemi, ka njoftuar se punëtorëve teknikë u janë rritur pagat për 100 euro.
Me anë të një postimi në Facebook, Azemi ka theksuar se këto paga janë lëshuar me rritje që nga një qershori i vitit 2024, teksa shton se së shpejti do të ketë rritje pagash edhe për punëtorët e sigurimit fizik.
“QKUK, dhe pas shumë përplasjeve, shtyrjeve këta punëtorë që nga 1 qershori 2024 pagat e tyre do të jenë me rritje për 100 euro më shumë qe d.m.th. 402 euro. Në këtë rritje duhet përmendur edhe ministrin Arben Vitija i cili me kontributin e tij bëri që 326 punëtorë t’i gëzohen kësaj rritje, ne dimë edhe të lavdërojmë kur e bëjnë punën mirë ministrat, së shpejti edhe punëtorët e sigurimit fizik do ta kenë po këtë rritje, ne pas 6 muajsh do të kërkojmë që edhe kjo pagë të rritet gjithherë konform ligjeve në fuqi”, ka shkruar Azemi.