Në një përballje emocionuese të zhvilluar të hënën, ekipi kosovar në videolojën CS:GO, Bad News Eagles (BNE), ka triumfuar me rezultat të përgjithshëm 2:0 kundër ekipit serb Sangrija.
Kjo ndeshje u zhvillua në kuadër të turneut “RES Adriatic League Season 2”.
BNE-ja ishte e suksesshme në dy “map-at” e zhvilluara, duke fituar rezultatin 16:9 në hartën “Mirage” dhe 16:9 në hartën “Inferno”.
Lojtarët e BNE-së treguan një performancë të jashtëzakonshme dhe një strategji të mirëorganizuar, duke siguruar një fitore të merituar kundër ekipit serb.
Ky triumf e vendos Bad News Eagles në rrugën e suksesit në turneun “RES Adriatic League Season 2”.
Ekipi kosovar do të ketë përballjen e radhës me një ekip tjetër serb, Jake Bube.
Tani, BNE-ja do të tentojë të vijojë fitoren e tyre të shkëlqyer dhe të avancojë në fazat e mëtejshme të turneut.
Lojtarët e BNE-së janë duke luftuar për çmimin kryesor prej rreth 4 mijë e 575 dollarësh.
Ekipi kosovar ka demonstruar aftësi të mëdha dhe potencial të madh për të arritur sukses në këtë lojë elektronike të shpejtë, e cila po fiton gjithnjë e më shumë popullaritet në të gjithë botën.