Në emisionin ‘Dueli Sportiv’ në RTV Dukagjini po vazhdon të diskutohet për futbollin vendor.
Trajneri Ismet Munishi ka thënë se Blend Baftiu është lojtar që mund ta zgjidh ndeshjen edhe në momentet e fundit dhe nuk duhet të largohet nga fusha.
Megjithatë, sipas tij në këtë rast ka gabuar me veprimin e tij.
”Blend Baftiu është djal fantastik. Nuk duhet të nxirret nga loja sepse është futbollist që mund ta kryejë ndeshjen në minutën e 90-të. Është shenjë e pakënaqësisë së tij, por nuk duhet të zgjidhen këto çështje kështu, duhet të flas me trajnerin. Këto diskutime zgjidhen brenda familjes. Ia paska tepru tepër sepse e kam pasur lojtar,” tha Munishi.
Blend Baftiu u zëvendësua në minutën e 67-të në ndeshjen ndaj Lirisë, teksa dukej se ishte i nervozuar me vendimin e trajnerit, Akis Vavalis.
‘Dueli Sportiv’ është emisioni sportiv më i shikuar në Kosovë, ku për çdo të diel ka diskutime dhe analiza të veçanta.