Ballkani ka humbur ndeshjen vendimtare ndaj Slavia-së së Pragës dhe njëherit, i njëjti ka humbur gjasat për avancim përtej fazës grupore në Ligën e Konferencës.
Në lojën e zhvilluar mbrëmjen e së enjtes në stadiumin “Fadil Vokrri”, Ballkani humbi me rezultat 1:0, gol ky i vetmi i shënuar nga Ondrej Lingr, në minutën e 75-të.
Ai shënoi me goditje me kokë nga afërsia duke siguruar pikët të cilat e mbajnë skuadrën në avancim duke lënë Ballkanin të fundit në grupin G me katër pikë.
Sivasspori udhëheq me 10 pikë, ndërsa Slavia dhe Cluji i kanë nga shtatë pikë.
Pas një jave, Slavia luan në Pragë me Sivassporin, ndërsa Ballkani pritet nga Cluji.
Pavarësisht rasteve nga të dyja skuadrat, asnjëra nga to nuk arriti të shënojë në pjesën e parë.
Ballkani dhe Sllavia Praga u përballen sonte në stadiumin “Fadil Vokrri” në Prishtinë. Kjo ndeshje u zhvillua në kuadër të xhiros së pestë të Grupit G të Ligës së Konferences.