Barack Obama fiton çmimin “Emmy” për dokumentarin në Netflix

Presidenti i 44-të i SHBA-ve bëhet presidenti i dytë amerikan në histori që fiton një "Emmy". Seriali shfaq bukurinë natyrore që përfshin pesë kontinente dhe përmban vendndodhje, duke përfshirë Patagoninë Kiliane dhe Indonezinë

Presidenti i 44-të i Shteteve të Bashkuara të Amerikës, Barack Obama

Ish-presidenti i Shteteve të Bashkuara të Amerikës(SHBA), Barack Obama, ka fituar çmimin “Emmy” për transmetuesin më të mirë për serinë e tij dokumentare në Netflix, “Our Great National Parks”.

Kompania e produksionit të Obamas, “Higher Ground”, është pas serialit me pesë pjesë për parqet kombëtare në mbarë botën.

“Emmy” iu bashkohet dy çmimeve “Grammy” të Obama-së, duke e vënë atë në gjysmë të rrugës për t’u bërë një Egot, siç quhet dikush me një çmim Emmy, Grammy, Oscar dhe Tony.

Me këtë çmim, presidenti i 44-të i SHBA-ve bëhet presidenti i dytë amerikan në histori që fiton një “Emmy”, transmeton BBC.

Seriali shfaq bukurinë natyrore që përfshin pesë kontinente dhe përmban vendndodhje, duke përfshirë Patagoninë Kiliane dhe Indonezinë.

Pretendentë të tjerë në kategorinë për transmetuesin më të mirë përfshinin David Attenborough, Lupita Nyong’o dhe Kareem Abdul-Jabbar.

Pas largimit nga detyra në vitin 2017, ish-presidenti dhe gruaja e tij, Michelle, krijuan “Higher Ground”, duke arritur një marrëveshje me Netflix që thuhet se vlente dhjetëra milionë dollarë.

Obama fitoi çmimet Grammy për versionet audio të kujtimeve të tij, “The Audacity of Hope” dhe “Dreams from My Father”.

Vetëm 17 persona kanë fituar statusin Egot deri më sot, duke përfshirë Mel Brooks, Whoopie Goldberg, Audrey Hepburn dhe Jennifer Hudson.

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika