BE dhe Britania e Madhe kanë rifilluar bisedimet për Brexit me shpresë që saga e gjatë e Protokollit të Irlandës së Veriut mund të zgjidhet.
Ekipet e ekspertëve teknikë kanë diskutuar për bollëkun e çështjeve të pazgjidhura që kanë dëmtuar zbatimin e protokollit.
Kryenegociatori i BE-së për Brexit Maros Sefcovic dhe sekretari i jashtëm i Britanisë së Madhe James Cleverly janë takuar të premten e kaluar për diskutime politike dhe kanë vendosur të takohen sërish së shpejti.
Burimet e BE-së kanë mirëpritur vendimin e qeverisë së re britanike për t’u rikthyer në tryezë, por kanë thënë se ata mbeten “të dyshimtë” nëse do të materializohet një zgjidhje e qëndrueshme.
“Ne kemi qenë këtu më parë me Mbretërinë e Bashkuar dhe është e vështirë të dihet nëse kjo do të çojë në ndonjë gjë”.
Megjithatë, ndryshimi i tonit nga Britania e Madhe është i mirëpritur, “me drejtësi ka një ndryshim të vërtetë në humor, por djalli do të jetë në detaje”, ka thënë një burim i BE-së.
Çështjet e pazgjidhura përfshijnë numrin e kontrolleve doganore dhe rregullatore për mallrat që lëvizin nga Britania në Irlandën e Veriut, rolin e Gjykatës Evropiane të Drejtësisë, tarifat e çelikut, ndihmën shtetërore dhe kërkesën e Mbretërisë së Bashkuar për një sistem rregullator të dyfishtë për mallrat brenda Irlandës së Veriut diçka që BE-ja është e bindur nuk do të funksionojë, raporton euronews.
Ndryshe, protokolli i Irlandës së Veriut është negociuar nga të dy palët në vitin 2019 i cili është hartuar për të lejuar Irlandën e Veriut të qëndrojë në tregun e përbashkët të BE-së për mallra, ndërsa largohet nga BE-ja me pjesën tjetër të Britanisë së Madhe.