Presidenti i Shqipërisë, Bajram Begaj i ka uruar mirëseardhje presidentit të 42-të të ShBA-ve, Bill Clinton në Shqipëri.
“Shqipëria dhe shqiptarët ju janë përjetë mirënjohës për gjithçka që keni bërë për kombin tonë e në veçanti për Kosovën”, ka shkruar Begaj.
Begaj ka thënë se vendimmarrja dhe lidershipi i presidentit të 42-të të ShBA-ve në ditët më vendimtare për të ardhmen e Kosovës “ju kanë vendosur në piedestalin e miqve tanë më të shtrenjtë”.
Pak më parë kryeministri i Shqipërisë, Edi Rama, ka bërë të ditur se ka mbërritur presidenti i 42-të i ShBA-ve, Bill Clinton, në Shqipëri.
Rama, gjithashtu, bëri të ditur se të gjithë janë të mirëpritur tek Kryeministria nga ora 18:30 gjatë ditës së hënë, për ceremoninë e mikpritjes.
Kjo është vizita e parë e presidentit të 42-të amerikan në Shqipëri.