Ish-këshilltari i ish-presidentit Hashim Thaçi, Artan Behrami, ka thënë se Ministria e Punëve të Jashtme e udhëhequr nga ministrja Donika Gërvalla Schwarz, për dy vjet nuk ka arritur që të sjellë “asnjë njohje, asnjë anëtarësim, asnjë vizitë përmbajtësore, asnjë investim, asnjë…”.
Tutje, ai ka theksuar se Gërvalla ka hequr dorë “nga politika e Jashtme, ajo tani ka hyrë në fazën e fundit të shkatërrimit të MPJ-së”.
“Atë që nuk ka arritur ta bëjë Serbia tash e dy dekada, po e bën Donika Gërvalla për pothuajse dy vjet”, ka thënë Behrami.
Sipas tij, të gjithë “ata që po frikësohen, që po heshtin brenda dhe jashtë MPJ-së, duhet ta dinë se janë bashkëpjesëmarrës në këtë krim”.
