Presidenti Joe Biden përmendi suksesin zgjedhor të së djathtës ekstreme në Itali si dëshmi e asaj që ai tha se ishte një rrezik për demokracinë në mbarë botën, përfshirë Shtetet e Bashkuara.
“Ju sapo patë se çfarë ndodhi në Itali në ato zgjedhje. Ju po shihni se çfarë po ndodh në mbarë botën,” u tha Biden guvernatorëve të partisë Demokratike në një takim të mërkurën vonë, duke iu referuar fitores së liderit të ekstremit të djathtë Giorgia Meloni në Itali, shkruan AFP.
“Ne nuk mund të jemi të sigurt për atë që po ndodh këtu,” tha Biden, duke iu referuar atyre që ai i sheh si forca antidemokratike të udhëhequra nga ish-presidenti Donald Trump në prag të zgjedhjeve afatmesme të nëntorit për të vendosur kontrollin e Kongresit.
Biden tha se lideri kinez Xi Jinping i kishte thënë atij drejtpërsëdrejti se “demokracitë nuk mund të mbështeten në shekullin e 21-të. Nuk dua ta ekzagjeroj, por nuk dua ta nënvlerësoj. Dhe kjo është arsyeja pse unë Jam shumë i shqetësuar.”
Sipas Biden “demokracia është në rrezik”.