Një punëtor ka vdekur të mërkurën e 28 dhjetorit, pasi dyshohet se ka rënë nga një lartësi, ku si pasojë ka pësuar lëndime.
Rastin e ka konfirmuar zëdhënësja e Policisë për rajonin e Prishtinës, Flora Ahmeti, e cila ka thënë se rasti ka ndodhur në fshatin Shkabaj, ku vdekjen e personit e ka konstatuar ekipi mjekësor.
“Viktima nuk arriti t’i përballojë plagët e marra, teksa vdekjen e tij e ka konfirmuar ekipi mjekësor në vendngjarje”, ka thënë Ahmeti për Portalin Dukagjini.
Ndërkaq, ajo ka shtuar se rasti po hetohet nga njësitë kompetente në koordinim me Prokurorinë dhe Inspektoratin e Punës.
“Sot në stacionin policor të Obiliqit, është iniciuar një rast Hetim mbi vdekje. Rasti ka ndodhë në fshatin Shkabaj, ku një person dyshohet se ka rënë nga një lartësi dhe ka pësuar lëndime. Viktima mashkull, nuk ka arritur të përballojë plagët dhe i njëjti ka ndërruar jetë. Vdekjen e viktimës e ka konstatuar ekipi mjekësor në vendngjarje. Rasti po hetohet nga njësitet kompetente në koordinim me prokurorinë dhe Inspektoriatin e Punës”, ka thënë zëdhënësja e policisë për rajonin e Prishtinës, Flora Ahmeti, për Portalin Dukagjini.