Zëvendëskryeministri, Besnik Bislimi, ka thënë se masat e BE-së për Kosovën, të cilat ende janë në fuqi, kanë pasur ndikim në shkrimin e raportit të Komisionit Evropian për vendin.
Ai ka thënë se Kosova ka bërë hapat e duhur, andaj është e rëndësishme që BE-ja të tërheqë këto masa, të cilat, siç thotë ai, janë të kthyeshme dhe pa pasoja.
“..Ka të bëjë me faktin që masat e Komisionit Evropian janë ende në fuqi, prezenca e këtyre masave ka pasur ndikim në shkrimin e raportit. Kosova ka bërë hapat e duhur, andaj është e rëndësishme që të tërheqë këto masa të cilat janë të kthyeshme dhe pa pasoja. Masat që janë në fuqi bien ndesh me përpjekjet e rajonit për integrim të përshpejtuar në BE, sidomos edhe me iniciativat e fundit”, ka thënë Bislimi.
Sipas tij, raporti i KE-së e përgëzon Kosovën për politikën e jashtme për vendosjen e sanksioneve ndaj Rusisë.
“Kosova është lavdëruar edhe për bashkëpunimin rajonal”, ka vijuar ai.