Zëvendëskryeministri i parë i Kosovës, Besnik Bislimi, ka pritur në takim ambasadorin e ri britanik në Kosovë, Jonathan Hargreaves.
Përmes një postimi në platformën X, Bislimi është shprehur se mezi pret të punojnë ngushtë së bashku në rritjen e bashkëpunimit në mes të dy shteteve.
“Kënaqësi për të pritur ambasadorin e re britanik në Kosovë@jonhargreaves67. Mezi pres të punojmë ngushtë së bashku në rritjen e bashkëpunimit midis dy vendeve tona, pasi ne vlerësojmë shumë partneritetin, mbështetjen, aleancën dhe miqësinë e Mbretërisë së Bashkuar”, ka shkruar Bislimi.
Pleasure to host the new British ambassador to Kosova @jonhargreaves67. I look forward to working closely together in enhancing the cooperation between our two countries, as we highly value UK’s partnership, support, alliance and friendship. pic.twitter.com/0wrFTInuHi
— Besnik Bislimi (@BislimiBesnik) March 7, 2024
Ambasadori i ri britanik në Kosovë, Jonathan Hargreaves, përmes një videoadresimi ka thënë se është shumë i lumtur që do të jetoj në Kosovë, siç është shprehur vetë ai, në një vend kaq frymëzues.
Lexo më shumë: Ambasadori i ri britanik në Kosovë: Shumë i lumtur të jetoj në këtë vend kaq frymëzues
“Jam shumë i lumtur që do të jetoj në këtë vend kaq frymëzues. Po pres me padurim të njihem me ju. Unë dhe familja jemi shumë të kënaqur që do të eksplorojmë malet e mrekullueshme që ka Kosova”, ka thënë ambasadori i ri britanik në Kosovë.
Ai ka dhënë lëvdata për ushqimin dhe gastronominë e Kosovës në përshtypjet e tij të para për vendin, duke shtuar se e admiron Kosovën për shkak të diversitetit kulturor që ka ajo.