Zëvendëskryeministri i Kosovës, Besnik Bislimi, përmes një postimi në platformën “X” ka thënë se Kosova ka qenë pala e vetme që ka pasur një propozim në kuadër të takimit të 14 shtatorit, mes kryeministrit të Kosovës, Albin Kurti dhe presidentit të Serbisë, Aleksandër Vuçiq nën ndërmjetësimin e Përfaqësuesit të Lartë të Bashkimit Evropian, Josep Borrell, dhe emisarit të BE-së për dialogun, Miroslav Lajçak.
The last EUSR draft for sequencing the implementation of Basic Agrmt. was shared w/🇽🇰 chief negotiator on July 19. It offered a marginal modification compared to the previous draft. On Sept. 14 high level mtg. in Brussels only 🇽🇰 PM presented a substantial & comprehensive draft.
— Besnik Bislimi (@BislimiBesnik) September 15, 2023
Zëvëndëskryeministri Bislimi ka thënë se nga BE-ja dhe Serbia kanë propozuar një draft sekuencimi më 19 korrik, por sipas tij ky pati modifikime të pakta në krahasim me draftin e mëhershëm.
“BE-ja dhe Serbia nuk prezantuan asgjë, por insistuan në akomodimin e kërkesës së Serbisë për t’u fokusuar vetëm në Asociacionin e komunave me shumicë serbe. Çdo raportim alternativ është shtrembërim i qartë dhe i qëllimshëm i të vërtetës”, ka shkruar ai.
EU & Serbia presented nothing but insisted on accomodating Serbia’s request to focus only on ASMM. Any alternative reporting is a clear & intentional distortion of the truth.
— Besnik Bislimi (@BislimiBesnik) September 15, 2023