Federata e Rusisë ka shpallur Kryeministrin e Britanisë së Madhe, Boris Johnson, persona non grata.
Në listën e personave të ndaluar në Rusi përveç Johnson, janë edhe një numër i lartë politikanësh dhe qeveritarësh britanik.
Zyrtarët e tjerë të përfshirë në listë janë edhe zëvendëskryeministri britanik, Dominic Raab, kryediplomatja Lizz Truss, Sekretari i Mbrojtjes, Ben Wallace, Sekretarja e Punëve të Brendshme. Por, nuk janë vetëm këta të ndaluar, por edhe pjesa tjetër e kabinetit të Johnson-it.
Gjithashtu person non grata është shpallur nga Moska edhe ish-kryeministrja, Theresa May.
“Qëndrimi armiqësor” karshi popullit rus në luftën e Ukrainës është argumenti i vendimit të Moskës.
Россия закрывает въезд для Джонсона, глав МИД и Минобороны Британии, объявили в МИД РФ pic.twitter.com/xpwe3FAoYm
— НТВ (@ntvru) April 16, 2022
Mbretëria e Bashkuar, ka qenë ndër vendet e para, të cilat shpallën mbështetje të pakushtëzuar për Ukrainën qysh nga fillimi i konfliktit shumë vite më parë, por edhe nga invazioni rus më 24 shkurt 2022.
Mbretëria e Bashkuar sikurse edhe pjesa tjetër e vendeve Perëndimore, ka ndërmarr sanksione të shumta ndaj Rusisë, sanksione këto që kanë prek edhe vetë presidentin rus, Vladimir Putin.
Së fundi, në një bashkërendim sanksionesh me Shtetet e Bashkuara të Amerikës, Londra zyrtare ka sanksionuar dy vajzat e Putin-it.
Pas Presidentes së Komisionit Evropian, Ursula von der Leyen, Johnson ishte lideri Perëndimor që vizitoi presidentin ukrainas, Volodymyr Zelenskyy, në Kiev, me të cilin u akorduan për bashkëpunim në luftën mbrojtëse kundër Rusisë invaduese.
