Policia Kosovës ka bërë të ditur se një 56-vjeçar dhe një 77-vjeçar janë gjetur të vdekur brenda pak minutash në Mitrovicë.
Këtë e ka bërë të ditur për Dukagjinin, zëdhënësi i Policisë së Kosovës për Rajonin e Mitrovicës, Avni Zahiti, i cili ka thënë se rasti i parë është rreth orës 17:12, ndërsa, rasti tjetër është rreth orës 17:20 gjatë ditës së shtunë(sot).
Vdekja e 56-vjeçarit po trajohet si e dyshimtë.
“Sot , rreth orës 17:12, është raportuar se në rrugën ‘Fadil Deliqi” në Mitrovicë, është gjetur pa shenja jete viktima mashkull rreth 56 vjeçar. Hetuesit policor me autorizim të prokurorit kanë nisur hetimet për rastin. Me urdhër prokurorit trupi i pa jetë dërgohet në IML për obduksion”, ka thënë Zahiti.
Ndërsa, për rastin tjetër, Zahti ka thënë se prokurori e vdekjen e 77-vjeçarit e ka cilësuar natyrore.
“Sot , rreth orës 17:20, është raportuar se në rrugën ‘ Ali Zeneli” në Mitrovicë, është gjetur pa shenja jete viktima mashkull rreth 77 vjeçar. Hetuesit policor me autorizim të prokurorit kanë nisur hetimet për rastin. Me urdhër prokurorit trupi i pa jetë dërgohet në IML për obduksion”, ka thënë Zahiti.