Pak më herët, ministri i Financave, Hekuran Murati, njoftoi se janë ekzekutuar pagat e muajit dhjetor dhe bëri thirrje që të festat e fundit të festohen me produkte vendore.
Muratit i ka reaguar deputetja e PDK-së, Vlora Çitaku, duke pyetur se “a e di sa na kanë ardhur faturat e rrymës” dhe se “a e di që nuk i keni rritur pagat, përkundër rritjes së çmimeve?”.
Çitaku ka thënë se Kosova do të bëhet mirë, sipas saj, me VV-në jashtë qeverisjes.
“Ministri paska thënë festoni me produkte vendore se kanë dalë pagat. Ministër, a e di sa na kanë ardhur fakturat e rrymës? A ke ide sa është shkalla e inflacionit? A e di sa kushton sot një kilogram djathë? A e di që nuk i keni rritur pagat, përkundër rritjes së çmimeve? Mos na e fyeni intelegjencën. Ne festojmë se e duam Kosovën, dhe e dimë që Kosova do të bëhet më mirë. Vitin që vjen. Me ju jashtë qeverisjes”, ka shkruar Çitaku në Facebook.