Nënkryetarja e PDK-së, Vlora Çitaku, ka arsyetuar mungesën e partisë së saj, në promovimin e librit për ish-presidentin, Hashim Thaçi, “Shtet i ri, burrë shteti modern”, me autorë Roger Boyes dhe Suzy Jagger.
Çitaku ka thënë se askush nga PDK-ja nuk ftuar farë në këtë promovim që është mbajtur në Tiranë.
“Megjithatë, për hirë të sqarimit të opinionit, mungesa e pjesëmarrjes së zyrtarëve tanë në këtë aktivitet të vlefshëm, përtej çdo aludimi tjetër, ka të bëjë vetëm me një fakt shumë më të thjesht: As Kryetari, as Kryesia, as deputetët e Grupit Parlamentar, nuk kanë marrë ftesë apo njoftim për të qenë prezentë në këtë ngjarje. Madje as familjarë apo miq të afërm”, ka shkruar Çitaku në Facebook.