Nënkryetarja e PDK-së, Vlora Çitaku, ka thënë se “shumica e investimeve kapitale për buxhetin e planifikuar të kësaj qeverie janë për projekte të moçme të qeverive paraprake”.
Sipas saj, paratë për projekte të reja gjysma e parave janë ndarë për komunat ku ka pushtet VV-ja.
“Ndërsa te projektet e reja, gjysma e parave janë ndarë për ato pak komuna ku sundon Vetëvendosja. Sipas raporteve kredibile, janë mu këto pak komuna ku transparenca dhe ekzekutimi i projekteve kapitale është më e ulëta. Pra, paratë e taksapaguesve po ndahen në baza partizane”, ka thënë ajo.
Sipas saj, e vetmja fushë ku Qeveria po shkëlqen është propaganda.