Çmimet e naftës kanë rënë duke arritur në çmimin e derivateve të katër viteve më parë.
Lajmin për Dukagjinin e ka konfirmuar Fadil Berjani nga Shoqata e Naftëtarëve të Kosovës.
“Nuk mund të dimë për çmimet për ditët në vijim, por çmimet janë në rënie. Këto çmime i kemi pasur edhe para 4 viteve. Kemi rënie të derivateve për 0.70 cent, nafta është liruar, tani edhe marketet duhet t’i ulin çmimet, dhe te gjithë duhet të reflektojnë në shportën e qytetarit të jetë më e lirë“, tha ai për Dukagjinin.
Krahas kësaj, i njëjti ka vlerësuar se duhet të ketë edhe rënie të çmimeve në markete.
Berjani ka krahasuar edhe çmimet e derivateve në rajon, me ç’rast vlerëson Maqedoninë e Veriut për çmimet më të lira.
“Në Kosovë-Dizelli 1.26 €/ lit, Benzina 1.34 €/lit, Shqipëri-Dizel 1.59 €/lit, benzina 1.60 €/, Serbi- Dizell 1.59 €/Lit, benzin 1.60 €/lit”, Mali Zi-Dizel 1.41 €/lit, benzina 1.58 €/lit, Bosnia-Dizel 1.30 €/lit, benzina 1.35 €/lit dhe Maqedonia veriore- Dizel 1.17. €/lit, benzin 1.33 €/lit”, ka treguar Berjani.
MINT publikonte çdo ditë çmimet tavan të derivateve. Ky vendim është marrë si masë lehtësuese, pas rritjes së çmimeve të derivateve dhe dyshimeve për keqpërdorime nga kompanitë që i shesin ato.
Çmimi i derivateve u rrit si shkak i rritjes së inflacionit, i ndikuar nga lufta Ukrainë-Rusi.