Federata e Futbollit e Kosovës ka njoftuar të premten se ka nxjerrë në shitje biletat për ndeshjen ndaj Suedisë.
“Dardanët” do ta nisin fushatën kualifikuese për Kupën e Botës 2026 në shtator.
Përballja e parë do të jetë në udhëtim kundër Zvicrës më 5 shtator, në kuadër të grupit B.
Tri ditë më pas, më 8 shtator, Kosova do të luajë në stadiumin “Fadil Vokrri” kundër Suedisë.
FFK ka bërë të ditur se biletat për këtë përballje tashmë kanë dalë në shitje dhe ato mund të blihen online.
Në tribunën veriore e jugore, bileta do të kushtojë 10 euro.
Në lindje një biletë kushton 20 euro, kurse në perëndim, bileta është 30 euro.
Bileta VIP kushton 100 euro.