Pritjet te pika kufitare e Dheut të Bardhë për të hyrë në territorin e Republikës së Kosovës po arrin deri në tri orë.
Kështu bëhet e ditur sipas Qendrës Kombëtare për Menaxhim Kufitar, ndërsa dalja nga ana tjetër merr kohën vetëm rreth 20 minuta.
Në një video dërguar në adresë të Dukagjinit shihet si rrjedhojë e pritjeve të gjata, kolona të gjata të automjeteve që presin për të hyrë nga pika kufitare e Dheut të Bardhë.
Sipas Qendrës Kombëtare për Menaxhim Kufitar, kolona arrin deri në 1800 metra.
Në pikat e tjera kufitare, pritjet janë në intervale kohore më të shkurtra.
Për të hyrë në Kosovë nga pika e Muçibabës, pritja arrin në 2 orë. Ndërkaq, në Merdare arrin deri në pothuajse një orë për të hyrë.