Gjatë ditës së mërkurë, Policia në Prizren ka pranuar informacion se në fshatin Zojz të Prizrenit është një rast i dhunës në familje.
“Njësitet policore menjëherë i janë përgjigjur rastit duke lokalizuar, identifikuar dhe arrestuar të dyshuarin XH.A. (viti i lindjes 1973), i cili dyshohet se pas një mosmarrëveshjeje familjare, ai e ka rrëzuar tavolinën e bukës dhe ka lënduar gruan dhe djalin e tij,” thuhet në njoftimin e policisë.
Sektori i hetimeve të Stacionit Policor Prizren VERI, gjatë hetimit të rastit ka gjetur prova se i dyshuari posedon edhe armë pa leje dhe gjatë kontrollit në shtëpinë e tij është gjetur dhe sekuestruar në cilësinë e provave materiale këto armë:
- Një AK47-Lloji i panjohur
- Dy granata dore-Lloji i panjohur
- Një raketa hedhës-Lloji i pa\njohur
- Dy predha te raketa hedhësit-Lloji i panjohur
- Katër fishek kalibri i panjohur
Prokurori i shtetit ndaj të dyshuarit ka lëshuar masën e ndalimit për 48 orë dhe ndaj tij do të ngritet kallëzim penal për veprat penale ‘‘Kanosje ’’ dhe “Mbajtja në pronësi, kontroll ose posedim të paautorizuar të armëve’’.
