Shtëpia Botuese, “Dukagjini” sot ka filluar me shpërndarjen e librave falas për komunitetin boshnjak dhe turk.
Të mërkurën u arrit marrëveshja për shpërndarjen e librave falas për komunitetin boshnjak, ndërkaq të enjten një marrëveshje e ngjashme u bë edhe për komunitetin turk në Kosovë.
Ata u shprehën falënderues dhe mirënjohës ndaj “Dukagjinit”, duke thënë që ky është kontribut i madh në arsimimin e komunitetit turk dhe boshnjak.
Shtëpia botuese “Dukagjini” nënshkroi këtë marrëveshje me Erol Kala, përfaqësues i shoqatës “Turkish Teachers Society of Kosovo” në Republikën e Kosovës, me mbështetjen edhe të deputetit Z. Enis Kervan.
“Jua rikujtojmë se nxënësit e këtyre komuniteteve nga e hëna do të kenë në bankat e tyre librat me të cilët do të shërbehen për të nxënë dije të reja. Shtëpia botuese “Dukagjini” çdoherë është treguar e gatshme dhe vullnetplot për mbështetjen e institucioneve dhe të gjitha komuniteteve në Kosovë”, thuhet në reagiimin e Shtëpisë Botuese Dukagjini.
Ndërkohë, përfaqësuesi i shoqatës “Turkish Teachers Society of Kosovo” në Republikën e Kosovës, Erol Kala, u shpreh shumë i lumtur për iniciativën e marrë nga Dukagjini.
Ndërsa, për nxënësit e komunitetit boshnjak u nënshkrua të mërkurën me deputeten Duda Balje.