Dy persona kanë mbetur të vdekur si pasojë e një atentati të ndodhur mëngjesin e së enjtes në Panaja të Vlorës.
Sipas informacioneve paraprake, mësohet se është qëlluar në drejtim të një automjeti “Mercedes B-Class” në autostradën Fier-Vlorë.
Dy viktimat ndodhen ende brenda automjetit, i cili ka dalë nga rruga. Mësohet se ndaj dy personave është qëlluar nga një automjet tjetër në lëvizje.
Forcat e policisë ndodhen në vendngjarje dhe kanë bërë bllokimin e autostradës, duke devijuar qarkullimin e mjeteve nga rruga e vjetër.
Atentati i ndodhur në mëngjesin e së enjtes vjen pas dy vrasjeve të regjistruara mbrëmjen e së mërkurës.
Janë këto detajet e fundit që raporton gazetarja e “Euronews Albania”, Ebrieta Maçaj në lidhje me atentatin e ndodhur rreth orës 09:30 në Panaja të Vlorës.
Sipas informacioneve paraprake, kanë qenë dy nga autorët të cilët kanë qëlluar në drejtim të “Benz-it” ku mbetën të vdekur dy persona, teksa i treti drejtonte automjetin.
Dyshohet se nga autorët është përdorur armë zjarri automatik.
Ndërsa, një automjet tip “Mercedes B-Class” është gjetur i djegur në fshatin Frakull të Fierit, disa kilometra nga autostrada Fier-Vlorë, e cila mendohet se është e autorëve.
Në brendësi të automjetit, është gjetur edhe arma e përdorur prej tyre.
Forcat e policisë ndodhen në vendngjarje dhe kanë bërë bllokimin e autostradës, duke devijuar qarkullimin e mjeteve nga rruga e vjetër.
Atentati i ndodhur, vjen pas dy vrasjeve të regjistruara mbrëmjen e së mërkurës.
Në Sarandë, një 41-vjeçar u vra nga një 24-vjeçar, pas një konflikti për parkimin, ndërsa në Elbasan, një 20-vjeçar u qëllua për vdekje pas një konflikti të çastit për motive të dobëta.
“Dyshohet se tre janë autorët e atentatit në Vlorë dhe në vendngjarje janë gjetur 20 gëzhonja”.
Ndërkaq, katër viktima janë regjistruar në më pak se 24 orë në Shqipëri, si pasojë e një atentati dhe dy vrasjeve për motive të dobëta
Policia ka bërë të mundur arrestimin e autorit, një 24-vjeçar i cili punonte si kamerier në lokalin ku ndodhi ngjarja, i vëllai dhe administratori i hotelit, pasi u përpoq të fshihte krimin.
Për një ditë dy vrasje në Shqipëri -një me thikë, një me armë zjarri