Është arrestuar një burrë nën dyshimin se i njëjti ka dhunuar një grua në Klinë.
Sipas raportit 24-orësh të Policisë së Kosovës, viktima është dërguar për ekzaminimin gjinekologjik, ndërsa i arrestuari është dërguar në mbajtje.
“Është arrestuar i dyshuari mashkull kosovar nën dyshimin se ka kryer veprën e Dhunimit ndaj viktimës femër kosovare. Në lidhje me rastin është konsultuar prokurori i shtetit, me urdhër të së cilit viktima është dërguar në spital për ekzaminim gjinekologjik, ndërsa i dyshuari pas intervistimit me vendim të prokurorit është dërguar në mbajtje”, thuhet në raport.
Rasti në procedurë hetimore.
I njëjti ka ndodhur në Klinë, pasditen e së mërkurës.