Ekstremi i djathtë në Francë ka arritur një sukses historik në raundin e parë të zgjedhjeve parlamentare, duke konfirmuar dominimin e tyre në skenën politike franceze dhe duke u afruar më shumë se kurrë më parë drejt pushtetit.
Mbështetësit e Tubimit Kombëtar (RN) të Marine Le Pen festuan teksa ajo deklaroi se “blloku makronist i presidentit është zhdukur plotësisht”, sipas raportimeve të BBC.
Tubimi Kombëtar fitoi 33.1 për qind të votave, duke e vendosur atë përpara një aleance të krahut të majtë që mori 28 për qind, ndërsa kampi i presidentit Macron u rendit pas me 20 për qind.
Lideri i partisë RN, Jordan Bardella, shprehu synimin e tij për të qenë kryeministër për të gjithë francezët, nëse partia e tij fiton mjaftueshëm vota.
Ky është një moment historik për të djathtën ekstreme në Francë, pasi asnjëherë më parë nuk ka fituar raundin e parë të zgjedhjeve parlamentare. Synimi i Marine Le Pen dhe Jordan Bardella është të sigurojnë një shumicë absolute prej 289 vendesh në Asamblenë Kombëtare me 577 vende.
Zgjedhjet për 577 vendet në Asamblenë Kombëtare të Francës zhvillohen në dy runde. Raundi i dytë këtë herë do të mbahet më 7 korrik. Në zonat ku asnjë kandidat nuk fiton shumicën e plotë në raundin e parë, dy kandidatët kryesorë, si dhe çdo kandidat me më shumë se 12.5% të numrit të përgjithshëm të zgjedhësve të regjistruar në atë zonë zgjedhore, kalojnë në raundin e dytë. Fituesi në raundin e dytë merr mandatin.
Ekstremi i djathtë në Francë ka arritur një fitore historike në raundin e parë të zgjedhjeve parlamentare, duke marrë 33.1% të votave.