E zë lisi në Prishtinë, gjendja e të lënduarës është stabile

Gjendja e të lënduarës si pasojë e rrëzimit të një lisi në Prishtinë është raportuar të jetë stabile

QKUK

Si pasojë e rrëzimit të një lisi në Prishtinë, një person raportohet të ketë vdekur teksa një tjetër është duke marrë trajtime mjekësore në Qendrën Klinike Universitare të Kosovës.

Gjendja e të lënduarës rreth 30 vjeçare raportohet të jetë stabile.

Këtë për Portali D, e ka konfirmuar Sami Bajqinca – mjek në QKUK, i cili shtoi se e njëjta është dërguar për ekzaminime më të thella.

“Është dërguar për në ekzaminim, për ta bërë CT për tërë trupin për të parë se ku ka lëndime. Gjendja është stabile, por mund të ketë ndonjë lëndim serioz prandaj janë duke e dërguar për ta bërë CT”, ka thënë ai.

Vendi i ngjarjes

Një rast pothuajse të njëjtë e ka pësuar edhe një person tjetër, në Orllan, i cili si pasojë e një peme të rrëzuar nga erërat e forta ka pësuar lëndime të lehta trupore.

“Është edhe një burrë të cilin e kishte zënë një pemë në Orllan, i cili kishte disa lëndimë të lehta”, shtoi Bajqinca, teksa tregoi se i njëjti po trajtohet në QKUK.

Ndryshe, zëdhënësja e Policisë për Prishtinën, Flora Ahmeti, e ka konfirmuar se një person i gjinisë mashkull i moshës 30 vjeç ka humbur jetën kurse është lënduar një grua e cila është dërguar në QKUK.

“Rreth orës 15:15 është pranuar informata se një lis është rrezuar dhe ka zënë dy persona. Policia menjëherë ka dalë në vendin e ngjarjes dhe nga informatat e para janë ngritur dyshimet se njëri nga të lënduarit mashkull, rreth 30 vjeç ka humbur jetën përderisa e lënduara tjetër femër po ashtu rreth 30 vjeç  është dërguar në QKUK për trajtimin e nevojshëm mjekësor. Aktualisht policia ka nisur ndërmarrjen e veprimeve hetimore me synim sqarimin e rrethanave që karakterizojnë ngjarjen”, ka thënë ajo.

Vendi i ngjarjes

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika