Emisioni sportiv “Dueli Sportiv” në Radio Televizionin Dukagjini, të dielën vjen me intervistën ekskluzive me Ministrin e Kulturës, Rinisë dhe Sportit, Hajrulla Çeku i cili do të jetë në një panel përballë panelistëve të “Dueli Sportiv”, me fillim nga ora 22:00.
I pari i sportit në vendin tonë, në intervistën ekskluzive për RTV Dukagjini do të flet për Strategjinë Kombëtare për sport, Kosovën si shtet i xhudos, rritjen e buxhetit për federata, infrastrukturën dhe subvencionet për sport.
Çeku flet edhe për licencimin e Federatave Sportive, mosnënshkrimin e memorandumit të bashkëpunimit me Federatën e Futbollit të Kosovës për financimin e saj si dhe çfarë po ndodhë me stadiumin e Gjilanit dhe atë të Mitrovicës.
Në pjesën e dytë të emisionit në detaje do të ndalemi te flasim për kryendeshjen e xhiros së 15-të në mes të Dritës dhe Ballkanit si dhe komplet ndeshjet nga kjo xhiro.
Emisioni qendror i sportit në RTV Dukagjini, “Dueli Sportiv” me Ndrec Gjonaj dhe Erza Brahushi, transmetohet çdo të diel nga ora 22:00.