Elbert Krasniqi, Ministri i Administrimit të Pushtetit Lokal ka thënë se kanë për qëllim gjetjen e një zgjidhjeje të qëndrueshme për krijimin e hapësirës publike për “Sunny Hill” e cila garanton shfrytëzimin nga të gjithë, jo vetëm nga festivali.
Për Ekonomia Online, Krasniqi ka thënë se dhënia e pronës komunale duhet të bëhet me procedura ligjore.
“Ne jemi duke diskutuar se si duhet të gjejmë zgjidhje të qëndrueshme në mënyrë që të krijojmë hapësirë publike, e cila do të shfrytëzohet nga të gjithë jo vetëm nga festivali”, ka thënë Krasniqi.
“Mirëpo, nga të gjithë artistët dhe të tjerë që duan që të begatojnë jetën kulturore artistike”
Ministri i Administrimit dhe Pushtetit Lokal ka thënë se “Për ne është shumë me rëndësi që dhënia e pronës komunale në shfrytëzim dhe këmbim të bëhet në bazë të procedurave të parapara ligjore edhe gjithpërfshirja në tryezën e diskutimit”.
Më tej ka shtuar se deri më tani kanë marrëveshje që të mbahet festivali në Kosovë dhe se do të shfrytëzojnë kohën e mbetur në mënyrë që të gjejnë zgjidhje të përgjithshme.