Me koktej molotovi është sulmuar pastiçeria në Mitrovicë të Veriut, e të cilën e vizitoi ministri i Punëve të Brendshme, Xhelal Svecla të premten.
Zëvendësdrejtori i Policisë së Kosovës për rajonin e veriut, Veton Elshani, ka thënë se rasti është cilësuar si tentim për zjarrëvenie, derisa ende nuk ka persona të dyshuar për këtë.
Elshani, përmes një videolidhje direkte në “Five” të Dukagjinit, u shpreh se “ende nuk është identifikuar asnjë person i dyshuar”. Teksa ka shtuar se policia po vazhdon ta hetojë rastin.
“Jo nuk janë identifikuar. Ne vlerësojmë se ka pasur tentim zjarrvënie. Fillimisht është thyer një xham i derës dhe është hodh koktell molotovi, i cili nuk ka shkaktuar dëme të mëdha materiale. Policia është duke punuar në hetime të mëtutjeshme. Situata në veri të vendit është e qetë dhe delicate që para dy vitesh. Policia është kudo, në çdo vend për sigurinë e qytetarëve. Po, në vazhdimësi, territori i gjerë, nuk përjashtojmë raste të tilla”, deklaroi Elshani.