Kompania Kosovare për Distribuim me Energji Elektrike (KEDS) ka njoftuar se për shkak të erërave të forta janë shkaktuar disa dëme në rrjetin elektrik në vend.
KEDS-i ka thënë se zonat më të prekura janë: Peja, Gjakova, Prishtina dhe Prizreni.
“Ekipet e KEDS-it gjenden në terren dhe po punojnë pandërprerë në mënyrë që ta kthejnë në normalitet gjendjen me furnizim me energji elektrike”, thuhet në njoftimin e KEDS-it.
KEDS-i ka kërkuar mirëkuptim nga konsumatorët dhe i siguron që në një afat sa më optimal do të rikthehet furnizimi i rregullt me energji elektrike.