Finlanda dëbon nëntë diplomatë rusë

Finlanda do të dëbojë nëntë diplomatë rusë nga Ambasada ruse në Helsinki, duke i akuzuar ata se punojnë në misione të inteligjencës

Flamuri rus. Foto: AP

Finlanda do të dëbojë nëntë diplomatë rusë nga Ambasada ruse në Helsinki, duke i akuzuar ata se punojnë në misione të inteligjencës.

“Veprimet e tyre janë në kundërshtim me konventën e Vjenës për raportet diplomatike”, tha zyra e presidentit të Finlandës, duke shtuar se ambasadori rus është informuar për dëbimin e diplomatëve.

Vendimi është marrë pas takimit të presidentit finlandez, Sauli Niinisto dhe komitetit ministror të shtetit për politikë të jashtme dhe siguri.

Ambasada ruse në Helsinki ende nuk ka reaguar për këtë vendim të Finlandës.

Shtetet nordike, Norvegjia dhe Suedia, po ashtu muajve të fundit kanë dëbuar diplomatë rusë, duke thënë se ata në fakt ishin oficerë të inteligjencës.

Moska mohon se diplomatët e saj janë të përfshirë në aktivitete të papërshtatshme dhe është kundërpërgjigjur duke dëbuar diplomatë të Norvegjisë dhe Suedisë.

Finlanda i është bashkuar NATO-s në prill, duke zemëruar Rusinë fqinje, e cila po vazhdon pushtimin e Ukrainës. /REL

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës sipas kalendarit të publikimeve ka prezantuar statistikat për institucionet tjera financiare për muajin shkurt 2024, të remitancave për...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika