Sekretarja e Këshillit të Byrove, Greet Flore në 11-vjetorin e themelimit të Byrosë Kosovare të Sigurimit, ka thënë se tani është kohë e duhur për t’u anëtarësuar në Byronë e Kartonit të Gjelbër.
Sipas sekretares, BKS-ja i ka përmbushur kushtet e nevojshme teknike për anëtarësim në BKGJ.
“Greet Flore, sekretare gjenerale e Këshillit të Byrove: Në aspektin teknik Byroja Kosovare e Sigurimit ka plotësuar kushtet për anëtarësim ne Byronë e Kartonit të Gjelbër”, thuhet në postimin e BKS-së.
Ndërsa, Byroja Kosovare e Sigurimeve është themeluar më 6 tetor të vitit 2011.
Drejtoresha menaxhuese e Këshillit të Byrove nga Brukseli, Greet Flore, ka deklaruar se po punojnë për një zgjidhje për Kosovën për Kartonin e Gjelbër.
Pas takimit midis drejtorit ekzekutiv të Byrosë Kosovare të Sigurimit, Sami Mazreku dhe drejtoreshës menaxhuese të Këshillit të Byrove nga Brukseli, Greet Flore, kjo e fundit ka thënë se po punohet për një zgjidhje për Kosovën për Kartonin e Gjelbër.
Kështu është shprehur ajo në një konferencë për media, ku ka theksuar se të enjten do të dalin me detaje të reja lidhur me hapat e mëtutjeshëm për Kartonin e Gjelbër.
“Jemi duke punuar se si do të arrijmë te synimi përfundimtar, bashkë jemi duke bashkëpunuar për të dalë te një zgjidhje që i hap kufijtë për qytetarët e Kosovës”, ka thënë ajo duke shtuar se nesër do të jepen më shumë detaje se si do të ecet tutje, shkruan RTK.
Ndërkaq, drejtori i BKS-së, Sami Mazreku, ka potencuar se gjatë këtij takimi është diskutuar për hapat që BKS i ka ndërmarrë për të qenë pjesë e Këshillit të Byrove.
Ndryshe, në muajin korrik të këtij viti, një delegacion nga Kosova udhëhequr nga Guvernatori i BQK-së kanë vizituar Brukselin, ku janë takuar me zyrtarët e lartë të Këshillit të Byrove nga Brukseli.
Me këtë rast janë diskutuar modalitete se si Kosova të jetë pjesë e Kartonit të Gjelbër.
Kosova ende nuk është anëtare e Kartonit të Gjelbër, derisa sipas Qeverisë është duke u punuar për këtë.
Kartoni i Gjelbër, Flore: Po punojmë drejt zgjidhjes që i hap kufijtë për Kosovën