GAP: Nga 1 mijë e 816 premtime nga kryetarët e komunave, vetëm 113 prej tyre janë përmbushur

Instituti GAP ka publikuar shkallën e përmbushjes së premtimeve zgjedhore nga kryetarët e komunave në gjashtëmujorin e parë të qeverisjes. Sipas tyre, prej 1 mijë e 816 premtimeve, vetëm 113 prej tyre janë përmbushur

Ilustrim

Në platformën elektronike “Letërnjoftimi i komunave”, Instituti GAP ka publikuar shkallën e përmbushjes së premtimeve zgjedhore të dhëna nga kryetarët e komunave në zgjedhjet e fundit lokale të mbajtura në tetor dhe nëntor të vitit 2021.

Gjatë gjashtëmujorit të parë të mandatit katërvjeçar apo periudhës janar – qershor 2022, nga gjithsej 1 mijë e 816 premtime të evidentuara nga Instituti GAP, 167 premtime apo 9% janë përmbushur, 113 premtime apo 6% janë gjysëm të përmbushura, 392 premtime apo 22% kanë filluar dhe 1 mijë e 144 premtime apo 63% akoma nuk kanë filluar.

Numri më i madh i premtimeve të përmbushura është shënuar në fushën e shërbimeve publike, bujqësisë, arsimit, kulturës dhe atë të sportit, ndërsa numri më i vogël është në fushën e infrastrukturës, ekonomisë dhe urbanizmit.

Për dallim nga përditësimet e bëra në periudhën e njëjtë të mandateve të kaluara, në këtë mandat është shënuar rënie e trendit në përmbushjen e premtimeve në fushën e infrastrukturës, ndërsa trend i përmirësuar vërehet në fushën e bujqësisë dhe atë të kulturës.

Niveli i mbushjes së premtimeve

Premtimet me shkallë të lartë të realizimit janë premtimet që kanë të bëjnë me mirëmbajtje të rrugëve, objekteve dhe hapësirave publike, në subvencionim në fushën e bujqësisë dhe të arsimit, në heqjen ose ndryshimin e disa barrierave administrative, në publikimin e dokumenteve buxhetore dhe të prokurimit publik, në organizimin e panaireve dhe manifestimeve, në hartimin dhe miratimin e rregulloreve dhe vendimeve të premtuara, si dhe në rritjen e përkrahjes për klubet sportive.

Instituti GAP bën monitorimin e realizimit të premtimeve në 27 komuna nga 38 komuna, ngase disa nga kryetarët aktualë nuk kanë zhvilluar fushatë aktive zgjedhore.

Komunat si Mamusha dhe dhjetë komunat e banuara me shumicë serbe, nuk kanë shpalosur ndonjë program zgjedhor dhe nuk kanë dhënë premtime konkrete.

Instituti GAP ka për qëllim që t’i mbajë të përgjegjshëm kryetarët e zgjedhur për premtimet e dhëna, duke bërë vlerësimin në mënyrë periodike përmes bashkëpunimit me organizatat lokale.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

Hill: Serbia ka të drejtë t’i drejtohet KFOR-it për kthimin...

Ambasadori i Shteteve të Bashkuara të Amerikës (ShBA) në Serbi, Christopher Hill, ka thënë se Serbia ka të drejtë t’i drejtohet KFOR-it për kthimin...

Të fundit nga rubrika