Arben Gashi nga LDK, gjatë seancës së jashtëzakonshme lidhur me kontratat njëburimore, ka thënë se sistemi i qeverisjes është i paaftë.
“ASHP- ja është organi shytues i prokurimit publik, me fjalë të tjera gjykata e tenderave, i keni çu njerëzit 100 për qind të juajt” e nisi fjalimin Gashi.
Sipas tij, 1805 kontrata janë bërë nën qeverisjen e Kurtit me prokurim të drejtpërdrejtë.
E se çfarë është prokurimi i drejtpërdrejtë, ai u shpreh se “shkoni e thirrni njërin që e ka një kompani dhe i thuani sa pare po i do me e kry këtë punë.”
Sistemi i qeverisjes, sipas Gashit, është paaftësi në vitin e parë dhe gjysmën e vitit të dytë.
“Korrupsion masiv, pasi i keni kapur krejt institucionet me 1805 kontrata njëburimore, ku i keni thirrë dostat e juaj, e ju keni thënë merri 10 milionë e 20 milionë e 30 milionë e përfito,” u shpreh Gashi.
Për “Kontratat njëburimore, i keni thirrë dostat, ua keni dhënë 240 milionë euro për 3 vjet,” përfundoi Gashi.