Analisti politik, Astrit Gashi, u është kundërpërgjigjur përfaqësuesve të PSD-së, në “Debat Plus”, Dardan Molliqaj dhe Qëndron Kastrati të cilët thanë se ideja e shkëmbimit të territoreve i zgjidhë problemet e Kosovës me Serbinë.
Gashi, tha se “ideja e ekzistencës së shtetit të Kosovës, bie në momentin kur e fusim në pazar territorin tonë, pa e ditë çfarë marrim”.
Gashi, pati kritika edhe për mundësinë e formimit të Asociacionit, për të cilin tha se mund të nxitë hakmarrje te një pjesë e vogël e shqiptarëve, sidomos në qytetin e Mitrovicës.
“Asociacioni në formën si do bëhet, dhe kontestin, ka me nxitë te një grup i vogël i shqiptarëve ndjenjën e hakmarrjes dhe mospajtimit dhe një ndjenjë e tillë do të jetë e zhvilluar në Mitrovicë, sepse janë një pjesë e njerëzve që e kanë pa edhe ndarjen, dhe mund të thonë çfarë tjetër mund të durojmë që Kosova të jetë shtet”, ka thënë ai.