Ministrja e Punëve të Jashtme dhe Diasporës, Donika Gërvalla ka thënë në Forumin Strategjik të Bledit se Kosova nuk po kërkon privilegje e as rrugë të shkurtra, por kërkon të bëhet anëtare e këtij unioni.
Aktualisht, Gërvalla po qëndron në Slloveni krahas pjesëmarrjes në këtë forum në të cilin ka theksuar se do që Kosova të jetë anëtare e unionit në fjalë dhe e njëjta, po kërkon që të vlerësohet për vlerat që tashmë posedon.
“Ne nuk kërkojmë privilegje apo rrugë të shkurtra, por kërkojmë që të na vlerësoni me vlerat që i keni për vete dhe të na lejoni të bëhemi anëtarë të këtij unioni në momentin kur ne përvetësojmë të njëjtat vlera”, është shprehur kryediplomatja e Kosovës.
@gervallaschwarz: "We are not asking for privileges or shortcuts, but we are asking you to value us with the values that you have it for yourself and allow us to become members of this union at the moment when we adopt for ourselves the same values."
— Bled Strategic Forum (@BledStratForum) August 30, 2022
Krahas Ministres Gërvalla, në forum po merr pjesë edhe emisari special i Shteteve të Bashkuara të Amerikës për Ballkanin Perëndimor, Gabriel Escobar.
Ky i fundit ka deklaruar se integrimi i Ballkanit në Bashkimin Evropian nuk ka alternativë tjetër dhe se njëherësh, ndihma e BE-së në këtë proces paraqet të vetmen përgjigje për krizën e ardhshme ekonomike.
Pjesë në Forumin Strategjik të Bled-it ka marrur pjesë edhe Kryeministri i Shqipërisë, Edi Rama.
Rama nuk ka lënë anash çështjen e liberalizimit të vizave ndaj qytetarëve të Kosovës për të cilën kishte thënë që ” është turp i madh që qytetarët e Kosovës nuk mund të lëvizin lirisht pa viza”.
Raportohet se pjesë e forumit do të jetë edhe presidenti i Ukrainës, Volodymyr Zelenskyy.
Rama: E mbështesim plotësisht Kosovën në kërkesën e saj për njohje