Sipas raportit 24-orësh nga Policia e Kosovës, të premten e gjashtë majit, një person është gjetur i shtrirë në një market, rreth orës 15:32 në Çagllavicë të Prishtinës.
Sipas njoftimit, në vendin e ngjarjes kanë dalë të gjitha njësitë përkatëse si dhe mjeku kujdestar, i cili ka konstatuar vdekjen e viktimës.
Ndërkaq, siç thuhet në raport, me vendim të Prokurorit të Shtetit, trupi i pajetë është dërguar për obduksion.
“Është raportuar se viktima mashkull kosovar është gjetur i shtrirë në market. Në vendin e ngjarjes kanë dalë të gjitha njësitë përkatëse si dhe mjeku kujdestar, i cili ka konstatuar vdekjen e viktimës. Me vendim të prokurorit, trupi i pajetë është dërguar për obduksion”, thuhet në raport.