Sot rreth orës 15:30, një person në qytetin e Pejës është gjetur pa shenja jete në banesën e tij.
Lajmin e ka konfirmuar zëdhënësi i policisë për rajonin e Pejës, Driton Rugova.
“Sot me datë 25.08.2024, rreth orës 15:30, Policia është njoftuar se në një banesë në rrugën ” Lekë Dukagjini” në Pejë, një person është pa shenja jete,” tha Rugova.
Njësitet relevante menjëherë kanë shkuar ne vendngjarje, gjithashtu edhe ekipi mjekësor të cilët kanë konstatuar vdekjen e viktimës.
Gjithashtu sipas Rugovës, për rastin është njoftuar Prokurori i shtetit i cili ka urdhëruar që trupi i pajetë i viktimës të dërgohet në IML-Prishtinë për obduksion.
Ndërsa rasti cilësohet si “Hetim i vdekjes”.