Një grabitje e armatosur ka ndodhur të premten në rrugën “B”, në Prishtinë.
Policia njofton se grabitja e armatosur ka ndodhur në një market, derisa persona të panjohur kanë vjedhur para të cilat kanë qenë në arkë.
“Rr. B, Prishtinë 26.01.2024-23:40. Tri viktima, dy femra dhe një mashkull kosovarë, punëtorë në market, kanë njoftuar se dy persona të panjohur me maska dhe të armatosur kanë grabitur para kesh nga arka dhe kanë ikur me veturë në drejtim të panjohur”, thuhet në raport.
Tutje, policia njofton se nga rasti nuk raportohet për të lënduar, teksa hetimet për rastin kanë nisur.