Drejtoresha e Kulturës në Komunën e Prishtinës, Sibel Halimi, ka ndarë një postim në Facebook ku ka prezantuar ekspozitën e artistit Agron Blakqori, e cila po mbahet në Ulpiana Art Center.
Halimi ka theksuar se “lëvizjet e njeriut të djeshëm, të humbur e të gjetur në konstrukcionin e kohës, marrin jetë në identitetin unik të Prishtinës”.
Ajo ka vlerësuar se ekspozita e Blakqorit është frymëzuese dhe se shkrirja e saj me ish-bunkerët, që sot janë shndërruar në Ulpiana Art Center, e bën hapësirën të rrezatojë kulturë dhe identitet.
Ekspozita, sipas Halimit, sjell një dimension të ri të bashkëjetesës së artit me hapësirat alternative të qytetit, duke ofruar për publikun një përvojë të veçantë estetike dhe reflektuese.
