Në kuadër të pakos emergjente për energji dhe e mbështetur nga Komisioni Evropian, Ministria e Ekonomisë ka lansuar të enjten Thirrjen Publike “Mbështetje konsumatorëve familjarë për investimin në pajisje efiçiente për ngrohje”.
Krahas ministres së Ekonomisë, Artane Rizvanolli, pjesëmarrës është edhe kryeministri Albin Kurti.
Kurti e Rizvanolli fillimisht kanë bashkëbiseduar me qytetarë për këtë masë.
Të gjithë ata qytetarë të cilët blejnë klimë efiçiente, kalda me biomasë, pompë termike si dhe stufë individuale me biomasë do të subvencionohen nga fondet që janë siguruar nga Bashkimi Evropian.
Qytetarët do të duhet të aplikojnë në platformën E-Kosova për subvencionim.
