Kreu i Aleancës për Ardhmërinë e Kosovës, Ramush Haradinaj, ka përsëritur qëndrimin se partia e tij nuk ka votë pro për formimin e Qeverisë së re – por megjithatë vlerëson se sot është dita e kthesës.
Haradinaj deklaroi se Glauk Konjufca si mandatar i dytë për kryeministër duhet të kërkojë falje që i vonoi qytetarët edhe për dy javë, njofton Dukagjini.
“Besoj që sot është dita e kthesës dhe nga sot fillon me numëru koha ndryshe, dhe jam optimist se zgjidhja do të jenë zgjedhjet dhe nuk duhet të humbasim kohë. U kërkoj falje qytetarëve të vendit, e sidomos atyre që janë prekë më shumë. Kemi qenë çdoherë në kërkim të zgjidhjes në kohë, por ka qenë e pamundur të arrihet një zgjidhje e duhur pa ata që kishin fituar një shumicë më të madhe të votave”, ka thënë Haradinaj.