Kryetari i AAK-së, Ramush Haradinaj, në 24-vjetorin e Betejës së Koshares, ka thënë se kjo betejë është njëra ndër ato më të përgjakshme dhe më heroike të luftës së Ushtrisë Çlirimtare të Kosovës (UÇK).
“Në 24-vjetorin e saj, i kujtojmë me respektin më të lartë heronjtë; Agim Ramadani, Sali Çeku, Xhemajl Fetahu dhe dëshmorët e tjerë, që me guximin dhe gjakun e tyre shënuan njërën prej ngjarjeve më të rëndësishme të luftës të luftës sonë për liri”, ka shkruar Haradinaj.
Kreu i AAK-së ka thënë se thyerja e kufirit shqiptaro-shqiptar, ka ndërruar rrjedhën historisë dhe i ka dhënë mesazh të qartë “armikut se shqiptarët asnjëherë nuk e pranojnë robërinë”.
Ai është shprehur mirënjohës për kontributin e luftëtarëve të lirisë dhe sakrificën e dëshmorëve.