Kryetari i Aleancës për Ardhmërinë e Kosovës(AAK), Ramush Haradinaj, ka bërë homazhe te varrezat e fshatit Reçak.
Haradinaj ka thënë se “përulemi e nderojmë të rënët për liri në të gjithë vendin, e veçanërisht viktimat e Masakrës së Reçakut”.
Kreu i AAK-së ka shtuar se Masakra e Reçakut “shokoi dhe vuri në lëvizje gjithë botën demokratike, që me forcë ta ndalte shfarosjen e një populli të tërë”.
“Kjo masakër mbetet një dëshmi e pakundërshtueshme e gjenocidit dhe spastrimit etnik në Kosovë, që nuk duhet harruar dhe as mohuar”, ka shtuar Haradinaj.
Tutje, ai ka shtuar se i është mirënjohës ish-ambasadorit amerikan, William Walker, “që e përkufizoi këtë masakër si krim kundër njerëzimit”.