Haradinaj në Lybeniq: Barbaria e shtetit fashist serb s’kurseu askënd që i doli para

Ramush Haradinaj, kryetar i AAK-së, në 25-vjetorin e masakrës së Lybeniqit, ka thënë se barbaria e shtetit serb fashist nuk kurseu askënd që i doli para, ndërsa thekson se asnjëherë nuk do t'i harrojmë ata që sakrifikuan jetën për lirinë e atdheut

Kreu i AAK-së, Ramush Haradinaj, në Lybeniq të Pejës.

Kryetari i Aleancës për Ardhmërinë e Kosovës (AAK), Ramush Haradinaj, ka përkujtuar masakrën e Lybeniqit në 25- vjetorin e saj, teksa ka theksuar se kujtimi i kësaj tragjedie mbetet i gjallë dhe i ndjeshëm për popullin e Kosovës.

Haradinaj ka potencuar se barbaria e shtetit fashist serb nuk reshti për të kryer këtë akt të zi, duke shkaktuar dhimbje të pashembullt në komunitetin lokal.

“Lybeniqi u masakrua edhe më 25 maj 1998, e java e parë e prillit 1999 ishte e kobshme për këtë fshat e zonën përreth, që u bënë cak të represionit të tmerrshëm e të paparë. Armiku ekzekutoi mbi njëqind shqiptarë të paarmatosur, nga fshatrat Lybeniq, Buçan, Rashiq, Loxhë, Kosuriq e Prilep”, ka shkruar Haradinaj në Facebook.

“A vritet njeriu, vetëm se e ëndërron lirinë e Atdheut të tij?” – ka pyetur Haradinaj, teksa ka shtuar se këtë e bëri pa mëshirë barbaria e shtetit fashist serb, që nuk kurseu askënd që i doli para, gra, fëmijë e pleq.

Ai ka theksuar se “asnjëherë nuk do t’i harrojmë njerëzit tanë, që me jetët e tyre i’u bënë mburojë kësaj toke”.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika